Erdgys Arrazi është dënuar me 4 vite burg, një vit pas tragjedisë ku bashkëshortja e tij me 3 fëmijët u hodhën në lumin Buna. Ai u arrestua menjëherë pas ngjarjes, pasi u akuzua se shkak i tragjedisë ishte dhuna që ai ushtronte fizikisht dhe psikologjikisht ndaj viktimës Alma Arrazi, e cila mori edhe jetën e tre fëmijëve në atë akt.
Edhe pse nuk e ka pranuar akuzën, ai u hetua dhe gjykya, teksa do i duhet të vuajë edhe 4 vite burgim të dhëna nga gjykata. Ngjarja e ndodhur në Maj 2024, e cila tronditi vendin pasi policia gjeti të mbytur në lumë nënën dhe 3 fëmijët, tashmë ka vetëm një autor përgjegjës dhe ai është kryefamiljari, Erdgys Arrazi.
Prokuroria e Shkodrës kërkoi dënimin me 6 vite burgim për Erdgys Arrazin. Sipas hetimeve, Alma Arrazi në përpjekje të dëshpëruar për t’i shpëtuar dhunës bashkëshortore, u hodh nga ura e Bunës në Shkodër bashkë me fëmijët. Ngjarja tragjike u shënua mbrëmjen e 3 majit 2024, ndërsa u zbulua dy ditë më vonë kur një peshkatar gjeti rastësisht trupin e vajzës 9-vjeçe.