Këngëtari i mirënjohur dhe kantautori Flori Mumajesi, është një prej artistëve më të dashur për publikun shqiptar, dhe një emër mjaft i përfolur për lidhjen e tij me moderatoren e njohur kosovare Liberta Spahiu.
Asnjëri prej tyre nuk ka reaguar në lidhje me këtë çështje, që është bërë kryefjala e mediave rozë. Ndonëse ata s’kanë reaguar dhe e mohojnë se ka diçka më shumë se miq mes tyre, takimet dhe postimet nëpër rrjetet sociale kanë treguar të kundërtën.
Liberta ka organizuar një festë për 35-vjetorin e saj të lindjes dhe mes gjithë të ftuarve ka qenë edhe Flori Mumajesi. Ndërkohë, është vënë re se gjatë festës Flori Mumajesi ka kërcyer me Libertën, ku nga fotot ata janë shfaqur shumë të lumtur krah njëri- tjetrit. Ndonëse e kanë mbajtur të fshehtë për kaq kohë, ky “kërcim dashurie” në ditëlindjen e Libertës nënkupton se dyshja janë bashkë.