Një operacion i gjerë policor po zhvillohet në Lushnje, ndërsa raportohet se në drejtim të këtij qyteti janë përqëndruar forca të shumta policore, përfshi edhe ato të FNSH-së së Fierit, por edhe ato të nisura nga Tirana.

Operacioni policor mësohet se ka të bëjë me ndalimin e një biznesmeni, të cilit në fillim të tetorit iu sekuestrua një pasuri prej 70 mijë eurosh dhe një makinë 100 mijë euroshe.

Mësohet se policia ka ushtruar kontroll në shtëpinë e biznesmenit, të cilin nuk e ka gjetur dhe më pas kanë nisur kontrolle në të gjithë qytetin.

Nuk dihet nëse ndalimi i biznesmenit ka lidhje me pasuritë që i janë sekuestruar nën dyshimin se i ka vendosur nga aktivitete kriminale apo me ngjarje të tjera.

Raportohet se ai është 40 vjeç dhe është një personazh i njohur për policinë, i shoqëruar më parë, dhe i lënë i lirë.

PËRGJIGJU

Please enter your comment!
Please enter your name here