Nuk është një, as dy, por janë plot katër konkurrentë në front që do të “luftojnë” për dashurinë. Sapo ka nisur mbrëmja e parë e edicionit të dytë të ‘Love Story’ dhe Alketa ka prezantuar formulën e re, e cila në fakt nuk ishte publikuar deri tani.
“Dua t’ju tregoj një histori të shkurtër, me Vera Grabockën, të pandara prej 19-vitesh në botën e televizionit. Menduam të të propozonim një program dashurie, t’u jepnim mundësinë të rinjve që të njiheshin dhe të komunikonin pa komplekse. Deri në finalen e këtij spektakli, ky është misioni ynë. Urojmë që këtë vit, pas përfundimit të këtij spektakli të kemi atë që quhet romanca digjitale, të vijojë njohja.
Kemi bërë disa ndryshime këtë vit në formulë dhe ende nuk e kemi zbuluar në mediat dhe portale, kështu që përfitoj në këtë rast. Duke falënderuar kastin e vitit të shkuar, që guxuan dhe erdhën në vitin e parë, sot ju prezantoj jo vetëm djalin e Robert Aliajt, që do të jetë në fron, por 4 të rinj. Krist vjen nga Belgjika, djali tjetër vjen nga Gjermania. Kemi dhe dy vajza me mendje plot”, – tha Alketa duke dhënë më shumë detaje për spektaklin.