Moderatorja shqiptare Almeda Abazi dhe aktori turk Tolgahan Sayisman janë një ndër çiftet më të dashur për publikun. Ato janë bashkë që prej një kohe të gjatë dhe e kanë provuar vazhdimisht dashurinë e madhe që ekziston mes tyre.
Ditën e sotme, dyshja kanë mbushur plot pesë vite së bashku, në shoqërinë e njëri-tjetrit. Në kuadër të këtij rasti, Almeda ka publikuar në profilin e saj të Instagramit një foto ku shihet duke i dhuruar bashkëshortit një të puthur në faqe. Krahas postimit ajo ka shkruar thjesht numrin e viteve së bashku, shoqëruar nga një zemër e kuqe.
Ndërkohë Tolgahani, i cili e ka publikuar po ashtu nje foto, ka shkruar: “5 te dua shume shpirti im …”