Pas vendimit të gjykatës së apelit, Partia Demokratike dhe kryetari i saj Sali Berisha kanë filluar ti marrin Lulzim Bashës gjithçka që lidhet me financat dhe asetet e PD.
Përveç selisë së Pd në Tiranë që tashmë ligjërisht i përket “Komisionit të Rithemelimit” dhe selive nëpër qytetet e Shqipërisë, llogarive financiare, Partia Demokratike i ka marrë Lulzim Bashës edhe makinën. Makina ka qenë në emër të PD dhe tashmë i takon kryetarit Sali Berisha.
Prej disa ditësh makina e tipit “Range Rover” është parkuar në selinë e PD dhe mbetet për ta parë nëse në situatën që lideri i PD është në arrest shtëpie, makinën do ta përdorë sekretari i përgjithshëm Flamur Noka, apo ndonjë funksionar tjetër i PD.
