Kryetari i Bashkisë Mat Agron Malaj është i vendosur ta fuqizojë sektorin e rrugëve me mjete motorike pasi mirëmbajtja me krah është e pamundur për 420 kilometra rrugë rurale dhe nuk ka rendimentin e duhur.
Drejtori i Shërbimeve Bashkiake në këtë njësi vendore, Elson Reçi tha për tirananwes.al, se shumë punime në rrugë, kanale ujitëse, kulluese, argjinatura, sistemime të ndryshme, etj, po kryhen nëpërmjet “flotës” së mjeteve të siguruara nga bashkia.
Dy vite më parë jo vetëm nuk kishte mjete motorike për të ndërhyrë kur kishte fatkeqësi natyrore. Dhjetra punëtorë, kryesisht militantë partiakë, paguheshin për mirëmbajtjen e rrugëve me krah.
“Në sektorin e rrugëve punojnë aktualisht 6 kamiona, 2 fadroma, 3 eskavatorë, 3 kamionçina, 3 JBC (fadroma me kovë para dhe krah prapa), 3 eskavatorë të tonazhit të lartë dhe një rul. Këto mjete janë dërguar në çdo pjesë të territorit të bashkisë dhe kanë zgjidhur situata të ndryshme, sidomos kur ka patur përmbytje, rrëshkitje, etj”, nënvizoi Reçi.
