Deputeti i PD-së, Edi Paloka ka ironizuar me një postim të ambasadës amerikane në Tiranë, ku flitej për një takim të një zyrtareje të SHBA-së për çështjet e emigracionit me kryeministrin Edi Rama. Në foto, sipas Palokës, shihet se sa i akullt është qëndrimi i ambasadores amerikane, Yuri Kim.
Postimi i plotë
Nuk e di se si, po këto fotot e postuara në faqen e ambasadës së fundmi, më kujtuan një fragment të Kadaresë, ku përshkruan ftohjen e marrëdhënieve me Kinën në atë kohë.
Tregon se si ndryshuan njoftimet zyrtare mbas takimeve të delegacioneve dypalëshe që kaluan nga: “Takimi ishte i ngrohtë dhe miqësor” në “Delegacionet i buzëqeshën njëri-tjetrit”!
Në fakt, tek fotot e fundit të ambasadës janë kujdesur që të mos ketë asnjë buzëqeshje amerikane.