Dua Lipa, këngëtarja kosovare me famë botërore vjen e mahnitëshme në foto dhe me një rrëfim interesant për prestigjozen “Elle” pasi ka fituar dy çmime Grammy. Me titullin “Dua Lipa është e ardhmja e muzikës Pop”, gazetarja Lauren Levy e nis përshkrimin e Duas me një mëngjes të thjeshtë të të dyjave, tost me vezë dhe avokado.
Bukuroshja kosovare e lindur në Londër, dhe që jetoi për disa vite në Kosovë, për shkak të punës së të atit, Dukagjinit, i cili gjithashtu është bërë mjaft i dashur ndërkombëtarisht, tregon në intervistë dhe për natyrën e shqiptarëve.
“Keni kaluar më shumë kohë në Londër, sa e lidhur ndjehesh me Kosovën?”, e pyet Lauren.
“Ne kemi një sens të çmendur të komuntietit. Njerëzit i dinë punët e tua, përpara se ti t’i bësh ato, por ama gjithmonë tregojnë shumë dashuri. Dikush më tha në një intervistë “ti ke etikën e punës së një emigranti”, por është më e rëndësishme kjo kur dëshiron të punosh seriozisht Të jesh nga Kosova apo Shqipëria, qarkullon një stigmë. Në filma, çdo shqiptar është mafia.Ne po përpiqemi ta ndryshojmë atë çfarë njerëzit mendojnë për vendin tonë”, ka thënë Dua.
Dua ka folur dhe për albumin e saj të ri, i cili sipas saj pritet të dalë në fund të këtij viti ose në fillim të vitit të ardhshëm. “Nuk kam vendosur ende për listën e këngëve, por janë këngë që mund t’i këndojë kushdo. Ju bëni muzikë dhe kështu njerëzit mund të këndojnë vetë,por gjithashtu e bëni këtë për të treguar një histori me shpresën që dikush të ndjehet në këtë mënyrë“, tha ajo.
