Ljuis Hemilton është piloti më i mirë i momentit në Formula 1, teksa i është vënë pas thuajse çdo rekordi të legjendës Majkëll Shumaker. Anglezi ka kombinuar në mënyrë perfekte cilësitë e tij me makinën Mercedes dhe është bërë i pakonkurueshëm nga askush, duke siguruar titullin e shtatë, çka do të barazonte legjendën gjermane.
Këto ditë Formula 1 është pushim dhe Hemilton nuk ka qenë në njëvendëshen e tij, por në një tjetër Mercedes. Modeli i makinës elektrike ECQ i markës gjermane, duket se është i preferuari i tij, por mbrëmë e ka lënë në “baltë”. Përmes një postimi në rrjetet sociale, anglezi shprehet se njëra prej gomave iu ça në autostradë dhe më pas iu desh ta zëvendësonte vetë me gomën rezervë.