Vlora është një prej dhjetë destinacioneve më të lakmuara turistike në platformën globale të rezervimeve Booking për vitin 2024.
Lajmi është dhënë nga kryeministri Edi Rama. Ai thotë se qyteti bregdetar ka marrë vëmendjen e shumë mediave ndërkombëtare duke paralajmëruar në këtë mënyrë flukse të shtuara vizitorësh drejt saj këtë sezon.
“Dhe me Vlorën e Rilindur, që është një prej 10 destinacioneve më të lakmuara turistike në platformën globale të rezervimeve Booking për vitin 2024, duke rrëmbyer vëmendjen e shumë mediave ndërkombëtare për të paralajmëruar flukse të shtuara vizitorësh drejt saj këtë sezon, ju uroj një ditë të bukur”, tha Rama.
