Ministrja e Punëve të Brendshme, Albana Koçiu këtë të premte ka shkuar në fshatin Xhyrë në Librazhd, kjo për të parë situatën e krijuar nga reshjet.
Koçiu ka parë nga afër situatën e shkaktuar nga reshjet e shiut, ndërsa lumi Shkumbin ka dëmtuar një këmb të urës që lidh aksin Librazhd-Prrenjas me fshatin Xhyrë. Aktualisht qarkullimi në këtë fshat është i ndaluar, ndërsa të bllokuar janë rreth 2500 banorë.
”Në terren pranë urës së dëmtuar në fshatin Xhyre, Nj.A Hotolisht, ku reshjet intensive kanë shkaktuar dëmtim dhe bllokimin e qarkullimit të automjeteve për arsye sigurie. Së bashku me strukturat vendore, Policinë e Shtetit, forcat e armatosura dhe ekipet e Mbrojtjes Civile po koordinojmë veprimet për rikthimin sa më të shpejtë të aksesit të automjeteve në urë ndërkohë si alternative po përdoret rruga e vjetër. Angazhimi ynë në terren vijon pa ndërprerje”,-shkruan Koçiu.