Presidenti francez, Emmanuel Macron sapo ka mbërritur në Izrael, shkoi menjëherë për të takuar shtetas izraelito-francezë që kanë humbur të dashurit, si dhe familjet e pengjeve.
Macron po viziton vendin për të treguar solidaritetin e Francës, ndërsa pritet të bëjë thirrje për lirimin e pengjeve nga Hamasi. Presidenti francez pritet të takohet me kryeministrin izraelit Benjamin Netanyahu, presidentin izraelit Issac Herzog dhe liderin e opozitës Yair Lapid.
Kjo vizitë e tij vjen pak pas udhëtimit të kryeministrit britanik, Rishi Sunak dhe presidentit të Shteteve të Bashkuara, Joe Biden në Izrael pas sulmit të Hamasit më 7 tetor.
