Mbreti Charles III dhe “Mbretëresha” Camilla u qëlluan me vezë në York (qytet në Angli). Çifti mbretëror po priteshin nga drejtuesit e qytetit, kur një burrë hodhi tre vezë drejt tyre, por që nuk u prekën. “Ky vend u ndërtua mbi gjakun e skllevërve”, bërtiti protestuesi, teksa policia po e ndalote.
Njerëz të tjerë në turmë filluan t’i thërrisnin “Zot ruaj Mbretin”. Mbreti më pas u shfaq i pashqetësuar teksa bënte një shëtitje dhe përshëndeti disa nga turmat.
Charles dhe Camilla po vizitonin York për të marrë pjesë në zbulimin e një statuje të Mbretëreshës Elizabeth II, e para që u vendos që nga vdekja e saj.
