Arbjan Mazniku, Ministër Shteti për Pushtetin Vendor këtë të enjte zhvilloi një takim me kryetarët e Bashkisë gjatë mbledhjes së Këshilit Konsultativ, ku bën me dije se janë marrë disa vendime. Sipas ministrit do të ketë një rritje të konsiderueshme të pagës për punonjësit.
”Diskutuam me kryetarët e Bashkisë gjatë mbledhjes së Këshilit Konsultativ, disa vendime shumë të rëndësishme që do të marrim së shpejti në qeveri. Një nga ato është edhe rritja e konsiderueshme e pagave për punonjësit e aparatit të bashkive.
Pagat do të njehsohen pavarësisht bashkisë duke mos i diferencuar më ato sipas numrit të banorëve. Bashkitë do të përfitojnë edhe nga marrëveshja me Universitetin e Tiranës duke mundësuar kryerjen e praktikës së punës së studentëve sipas nevojave të tyre”,-shkruan Mazniku në Facebook.
