Qeveria Kurti dhe Rama, sot do të bëheshin bashkë në Gjakovë, për të zhvilluar mbledhjen e përbashkët. Pala kosovare kishte bërë gati gjithçka për të pritur mbledhjen, por pasditen e djeshme ishte kryeministri Edi Rama, i cili njoftoi se mbledhja do të anulohej, lajm, që u konfirmua sot edhe nga shefja e protokollit të Kryeministrit të Kosovës.
Për mbledhjen ishte menduar deri në detajet më të vogla, ku krahas sloganit “Të përbashkuar në Gjakovë” edhe ambientet rreth bibliotekës së qytetit ishin stolisur dhe veshur me flamuj të dy shteteve.
Në konferencën e djeshme me gazetarët, Kryeministri Edi Rama i kishte propozuar Albin Kurtit një takim më të ngushtë, ky dy kryeministrat të diskutonin për situatën vetëm me praninë e ministrave të jashtëm dhe të mbrojtjes.
