Krenar Rryçi do të jetë emri tjetër brenda rradhëve të Partisë Demokratike që do të pranojë të marrë mandatin e deputetit. Ai është kandidati i PD-së në listën shumemërore të qarkut të Durrësit, i renditur i parafundit.
Edhe pse Rryçi firmosi deklaratën për refuzimin e marrjes së deputetit, si pjesë e listës së 103 kandidatëve, ai mësohet se është tërhequr nga kjo dhe do të paraqesë formualin e Dekriminalizimit në KQZ.
Rryçi është kryetar i Partisë i Partisë Reforma Demokratike dhe ka qenë në listën si pjesë e aleatëve të PD-së. Marrjen e mandatit ai e konfirmoi gjatë një deklarate për Top Channel, ku theksoi se për këtë vendim e ka marrë vetë dhe se nuk i kanë afruar para për tu tërhequr nga ideja e refuzimit të mandatit të deputetit. Ndërsa shtoi se do të jetë në opozitë ndaj qeverisë në Parlament. Në listën e Durrësit, edhe aleati tjetër i PD-së, kryetari i Partisë Konservatore, Kujtim Gjuzi ka deklaruar se do ta marrë mandatin e deputetit.
