Mëngjesin e kësaj të hëne, trupat ruse bombarduan plot pesë stacione treni në të njëjtën orë, duke shkaktuar dëme të mëdha.
Si ç’shihet në disa foto të publikuara në mediat e huaja, raketat ruse kanë shkatërruar thuajse gjithçka dhe në vendngjarje mbizotërojnë flakët dhe tymi.
Këto imazhe tregojnë pamje nga Krasne, pranë Odesës në Ukrainën jugore, ku një zjarr shpërtheu pasi një predhë ruse goditi stacionin. Ndër të tjera dallohet se një tym i madh i zi ka shpërthyer nga vendi i sulmit.
Ende nuk ka informacion lidhur me viktimat, por shërbimet e urgjencës qëndrojnë në një grup aty pranë. Është e paqartë nëse ky stacion është një nga pesë të goditurit këtë mëngjes.
