Është mëse e qartë tashmë se Erling Haaland e ka vendosur të ardhmen e tij, duke i’u bashkuar Manchester City-t. Mesa duket, ky ishte edhe transferimi i fundit big i superagjentit Mino Raiola, i cili e “kopsiti” deri në detajin më të vogël këtë transferim përpara se të largohej përfundimisht nga kjo botë. Nën zë marrëveshja mes lojtarit dhe klubit quhet e mbyllur, teksa pritet që njoftimi zyrtar të bëhet publik brenda kësaj jave.
Sheikët e City-t do të paguajnë 75 milionë euro klauzolën e largimit ndërsa Haaland do të firmos një kontratë 5-vjeçare nga ku do të përfitojë 30 milionë euro në sezon.
E llogaritur në total, ky transferim pritet ti kushtojë “qytetarëve” mbi 200 milionë sterlina. Vendin e Haaland te B.Dortmund pritet ta marrë Karim Adeyemi, sulmues që aktivizohet te Salsburg.
