Vetëm pak muaj pasi ministrja e Mbrojtjes Olta Xhaçka nënshkroi kontratën në SHBA për marrjen e helikopterëve amerikanë “Black Hawk”, ka nisur dhe trajnimi i stafit në bazën e Nju Xhersit.
Trajnimi i ushtarëve shqiptarë mbahet në bazën e përbashkët të të gjitha llojeve të forcave amerikane, McGuire-Dix- Lakehurst, në Gardën Kombëtare të Nju Xhersi. Së pari, shërbimi teknik i mjeteve do të kryhet atje.
Lexo edhe- Zbardhen detajet e kontratës së Black Hawk, pilotët shqiptarë do stërviten në baza amerikane
Shtetet e Bashkuara marrin përsipër koston e trajnimit të pilotëve dhe shërbimet teknike, ndërsa Shqipëria nga ana e saj do të paguajë një taksë vjetore, shuma e të cilës nuk është bërë ende e ditur. Falë blerjes së tyre ushtria shqiptare do të ketë pajisje sipas standardeve të aleancës. Më herët Shqipëria mori dhe “bishat” amerikane, makinat HMMWV dhe MRAP.
