Bashkia e Matit vijon të tregojë kujdes për të gjitha rrugët rurale në territorin e saj. Më shumë se 420 kilometra janë mirëmbajtur gjatë gjithë vitit.
Kudo janë mbushur gropat, është kryer zgjerimi dhe shtrimi i tyre me çakëll. Kanalet ansore tashmë janë funksional.
Ditët e fundit ka rinisur puna në rrugët e zonave të thella, siç është kryerja e punimeve në rrugën Dukagjin-Gjoçaj-Lami i Madh, një rrugë kjo mjaft problematike për shkak të terrenit të thyer.
Kryetari i Bashkisë Mat Agron Malaj shprehet se edhe këtë vit bashkia do të punojë fort për përmirësimin e infrastrukturës rrugore.
Është e rëndësishme që edhe komuniteti matjanë të kontribuojë dhe bashkëpunojë me pushtetit lokal për mirëmbajtjen e rrugëve.
Postimi i Malajt:
Vijon puna për zgjerimin e rrugës në #Gjoçaj
Ne do bëjmë maksimumin tonë për të përmirësuar infrastrukturën rrugore në Bashkinë #Mat!