Një ditë vapë e një ditë ftohtë, kjo është pranvera dhe është e pamundur të krijosh jnë kod veshjesh. Kjo periudhë mes dy stinëve vë në dilemë dhe stilistët më të famshëm në botë, por për fat ekzistojnë xhaketat e lehta.
Triko, blazer e shumë të tjera kanë një rol të rëndësishëm për të pasur një pamje të përditshme “fashion” në ditë të tilla.
Blazer dhe trikot janë veshjet klasike që të shpëtojnë jetën dhe mund ti përdorni çdo ditë dhe për çdo rast, që nga mbledhjet në zyrë tek daljet në mbrëmje. Bomber dhe xhaketat xhins do të na shoqërojnë në kohë të lirë ndërsa xhaketat e lëkurës do të vijojnë të na japin karakter dhe personalitet në pamje për çdo orë të ditës.
Pra, e keni kuptuar që këtë stinë nuk mund të ankohemi dhe kemi një sërë varietetesh të xhaketave të lehta. Shihni galerinë për të zbuluar tendencat e 2019-tës.