Mëngjesin e kësaj të enjte, një aksident i paprecedent është regjistruar në autostradën Durrës-Tiranë, në vendin e quajtur Sukth, fatmirësisht pa viktima.
Shtetasi M.N, duke drejtuar një kamion humbi kontrollin dhe u përplas me mbikalimin e këmbësorëve, duke e shkatërruar atë totalisht. Si pasojë e përplasjes është dëmtuar pasagjeri shtetasi H.D, i cili ndodhet në spital jashtë rrezikut për jetën.
Shërbimet e Policisë, devijuan lëvizjen deri në pastrimin e plotë të rrugës. Aktualisht qarkullimi i automjeteve në autostradën Durrës-Tiranë-Durrës, vijon pa probleme.
