Kandidatët, apo edhe kryetarët kundërshtarë të partive politike jemi mësuar që t’i shohim duke hedhur akuza apo duke kritikuar programet e njëri-tjetrit, por këtë herë në Librazhd ndodh e kundërta.
Kandidati i PS-së për kryebashkiakë, Mariglen Disha dhe kryetari i PD-së së Librazhdit Bujar Vreto, kanë surprizuar në takimin e zhvilluar me qytetarët, për festën e Shën Gjergjit. Të dy janë parë së bashku, ndërsa pak ditë na ndajnë nga zgjedhjet lokale të 14 majit.
Ata duken shumë të gëzuar teksa kërcejnë pranë njeri-tjetrit, duke i harruar akuzat që zakonisht opozita dhe maxhoranca shkëmbejnë, sidomos në fushatë elektorale.
