Fotolajm/ Rama: “Mulliri” shqiptar së shpejti deri tek Piramidat e Egjiptit

Linja e lokaleve “Mulliri”, së shpejti do të mbërrijë edhe në Egjipt. Lajmin e bën me dije kryeministri Edi Rama, i cili ndau në rrjetet sociale momente nga takimi me sipërmarrësin e “Mullirit”. “Me Lulin e ‘Mullirit’ dhe për të mira në punën e tij fantastike, që e ka ngjitur lart e me lart, çuar larg e më larg, deri tek Piramidat e Egjiptit, ku do të hapë së shpejti ‘Mullirin’ shqiptar. Kënaqësi që u njohëm pasi një mik i ardhur nga jashtë u mahnit me shërbimin dhe ushqimin e ‘MUGO’-s, një vëlla i vogël i ‘Mullirit’ në qendër të Tiranës”, shkruan Rama.