Nga Saimir Gera
Por ky instalacion
ka edhe një dorë shqiptare, pasi kuratori i saj është artisti i njohur shqiptar
– Italian Alfred Mirashi Milot bashkë me
galeristin famos milanez Matteo Lorenzelli.
Ekspozita vjen si një qasje me përmbajtje të shumëfishtë, ku
estetika gërshetohet me mesazhin kuptimplotë që skulptori i madh kinez kërkon
të përcjellë te publiku vendas dhe përtej atij. Një instalacion i përplotësuar
nga prania e 100 uqërve të derdhur në hekur, të cilët vërtiten rreth e rrotull
një luftetari që kërkon t’i mbajë larg ato, duke kërkuar t’i trembë me shpatën
ndërduar të ngritur lart […]. I gjithi ky inskenim shpërfaq një gjendje
tensioni, gadishmërie, frike dhe ankthi, por edhe forcën e pushtetit diktatorial
të një realiteti të panjohur për Perëndimin… mesazhi është i fuqishëm, gati
therës për çka ai perceptohet si i atillë në sytë e një realiteti ndryshe nga
vendi ku artisti është formuar.
“Ujku simbol i të zhdukurve, i perandorisë së
nuhatjeve të forta dhe armik i përbetuar i qenies njerëzore, gati-gati edhe i
hyjnive..! Një kafshë e vrullshme, me energji të pashtershme dhe që nuk njeh
kufizime aq sa e shpien njeriun të humbasë pushtetin e vetkontrollit. Të
gjitha këto si përbërës të konceptit kuratorial që vendos ballë për ballë
qenien njerëzore dhe forcën natyrës, Perëndimin dhe Lindjen, dritën dhe
errësirën, pushtetin dhe gjunjëzimin, kapitalizmin dhe komunizmin, kulturën
kineze me atë vendase napoletane… – një botë e egër ashtu si Ophois hyu i
luftës në Egjiptin e lashtë, ai që shoqëron kufomat e të vdekurve gjatë luftime
drejt varrit […]. Në të vërtetë skulptori kinez na vërteton nëpërmjet figurës
së ujkut atë çfarë në Kinë e konsiderojnë si mbrojtësi i mbretërisë qiellore,
sikurse në mitologjinë greke ujku ishte mishërimi i Apollonit kur ai mbante
rolin e rrezatimit diellor, por dhe ruajtësi i tempullit të tij në pyllin e
shënjtë.
Në këtë vështrim ekspozita-instalacion e artistit Liu Ruoëang
e kthen vetë qendrën e qytetit në qendrën e një realiteti tjetër, aty ku
përballen kulturat dhe estetikat. Skulptori Ruowang tenton nëpërmjet dinamikës
dhe shumëllojshmërisë së lëvizjeve të ujqërve të materializojë gjendjen e gatishmërisë
dhe të tensionit në çdo çast. Padyshim që kuratori shqiptar Milot në
bashkepunim Komunen e Napolit , Kryetarin e Komunes Luigi De Magistris ,
asesorin e Kultures Nino Daniele dhe me miqte e tij napoletanë ia ka arritur të
trondisë me përzgjedhjen e bërë.
Një vepër, ku publiku lëviz brenda saj, e prek veprën, ballafaqohet me të, komunikon.
