Pas banorëve të Obiliqit që kujtonin 20-vjetorin e eksodit masiv, ishin banorët e fshatit Landovicë, kryesisht të afërmit e dëshmorit Halil Gashi që vendosën kurora dhe lule në lapidarin që përkujton luftëtarin e lirisë së Kosovës.

Halil Gashi nga Landovica, humbi jetën aksidentalisht më 2 maj 1999 gjatë përgatitjeve të luftës që po bënte UÇK-ja në repartin ushtarak të Mollzave, në periferi të qytetit Burrelit.

Pjesë e ceremonisë ishin familjarë të dëshmorit Gashi, ish-oficerë të lartë të UÇK-së, ushtrisë shqiptare, veteranë të luftës, qytetarë dhe drejtues të Bashkisë së Matit.

Prindërit, fëmijët, të afërmit dhe zyrtarë të pushtetit lokal folën rreth jetës dhe aktivitetit të dëshmorit Halil Gashi dhe pastaj vendosën kurora dhe buqeta me lule në nder të dëshmorit.

Kasem Kola, administrator i njësisë vendore Burrel dhe babai i dëshmorit falenderuan banorët e Matit dhe gjithë autoritetet e kohës për ndihmën dhe kontributin e dhënë gjatë eksodit të kosovarëve si dhe përgatitjen e forcave për përballimin e luftës.

Katër vajzat e Halil Gashit, të veshura me bluza që mbanin foton e babait të tyre kujtuan me respekt dëshmorin e UÇK-së. Vajza e madhe Blediona Gashi tha se ishte tepër e emocionuar në këtë ditë të shënuar. /tirananews.al/

PËRGJIGJU

Please enter your comment!
Please enter your name here