Partia Socialiste ka zhvilluar sot mbledhjen e kryesisë, ku kryeministri Rama si dhe deputetët socialist, mbërritën në selinë e kryesisë së PS në orën 18:00.
I njohur për stilin e tij kontrovers në të veshur, kryeministri Rama u shfaq me kostum dhe atlete.
Ndërkohë që “konkurrencë” kryeministrit i bëri Arben Ahmetaj, i cili u paraqit gjithashtu i veshur me kostum e atlete, por ndryshe nga Rama që kishte preferuar atlete “adidas” të bardha, Ahmetaj kishte zgjedhur ngjyrën e kuqe.
Ndërkohë, e veshur shik, ministrja Etilda Gjoni ka vijuar e qetë ecjen e saj drejt hyrjes së selisë, duke mos i kushtuar aspak rëndësi mediave.
