Duket se tensionet në arenën gobale po vijnë drejt përkeqësimit pasi vende të ndryshme po investojnë shumë në forcimin e ushtrisë së tyre.
Përveç Kinës që përuroi disa ditë më parë aeroplanmbajtësen e saj të dytë, tashmë dhe Angli do të nxjerrë në det nëndetësen e saj më të fundit.
Britania e Madhe ka ndërtuar nendetësen me të re, e cila mbart në bord raketa bërthamore.
Ajo mund të lundrojë në të gjithë botën pa u vënë re dhe mund të godasë objektivin e saj me raketa rreth 745 milje larg.
Nëndetësja është e armatosur me raketa Tomahawk, të cilat mund ta shkatërrojnë armikun.
Ajo peshon 7,400 ton dhe për ndërtimin e saj janë dashur 1 miliard paund.
Nëndetësja është nxjerr sot për herë të parë në portin e Barrow-in-Furness, Cumbria, dhe do të përgatitet për të dalë nesër në det të hapur, ku do t’i bashkohet flotës ushtarake të Mbretërisë së Bashkuar.
Pavarësisht nga tensionet globale dhe shfaqjet e aftësive ushtarake të shumë vendeve të botës, një zëdhënës për prodhimin e nëndetëseve të BAE Systems tha se stërvitja e nesërme ishte një procedurë e planifikuar, dhe se nuk është për t’i treguar botës forcën.
” Futja e nëndetëses nesër në det është vetëm një pjesë e cila ishte planifkuar me kohë dhe nuk është si kundërpergjigje për t’i treguar botës forcën.
Duhen rreth dhjetë vjet që të ndërtohen nëndetëse të tilla”,- tha një zyrtar i marinës britanike. /TiranaNews/
