Policia e Korçës ka zbuluar autorët që shpërndanin video dhe foto erotike të vajzave në rrjete sociale. Në pranga kanë rënë dy vajza që administronin faqen e Instagramit.
Prej disa ditësh me dhjetëra vajza minorene denigrohen nga një faqe anonime. Aty postohen çdo ditë emra, foto dhe video vajzash bashkë me adresat e tyre të banimit dhe të dhëna të tjera, me qëllim denigrimin e tyre.
”Nga hetimi intensiv, u arrit të identifikoheshin dhe arrestoheshin dy shtetase, për veprën penale “Pornografia me të mitur”, parashikuar nga neni 117/2 i Kodit Penal, të cilat ishin të përfshira në këtë veprimtari kriminale: P.M, e cila ka qenë administratorja e profilit “laviret e Korçës” në Instagram. E.P, e cila është identifikuar si person përgjegjës për aplikacionin “Tellonym”, i lidhur me profilin e Instagramit”, njofton Policia.