Aktori i njohur i humorit, Bes Kallaku, një ditë më parë i ka bërë për të qeshur të gjithë fansat e tij, teksa në llogarinë e “Instagram”-it publikoi foto të sfidës më të re “10yearchallenge”. Fillimisht ai publikoi një imazh ku kishte bashkuar dy foto ku shfaqet si femër nga rolet që ka luajtur gjatë karrierës së tij.
E teksa ndjekësit e humoristit prisnin një tjetër foto të Besit, ai i surprizoi ata duke postuar foto të vjetra të këngëtarit të njohur, Sinan Hoxha, duke treguar ndryshimin e tij ndër vite.
“Vdiqa o Sinan Hoxha. Hahahahaha”, shkruan Besi bashkëngjitur me foton. Pas këtij postimi ka reaguar edhe vetë këngëtari, i cili ka vendosur që t’ia kthejë me të njëjtën monedhë.
Ai ka publikuar në profilin e tij në “Instagram” foto të aktorit në vitin 2008 dhe 2018 duke e “fëlliqur” publikisht. “Këtu vërtetohet ekzistenca e Zotit”, shkruan Sinani me humor në postimin e tij.
