Ditën e sotme janë zhvilluar zgjedhjet e brendshme në Partinë Demokratike, për të votuar anëtarët e rinj të Këshillit Kombëtar.
Mirëpo newsbomb.al ka siguruar një foto të cilën Edmond Spaho, kreu i grupit parlamentar të PD, ‘urdhëronte’ demokratët në Whats App se cilët emra duhet të votonin në garën për Këshillin.
“Ju lutem nëse mundni, mbështetni nesër: Roland Bejkon, Jorida Tabakun, Oriola Pampurin, Eno Bozdon, Fatbardh Kadillin, Dhurata Çupin, Lindita Metaliajn, Minushe Lazaj dhe Avenir Pekën”, u ka shkruar fillimish Spaho demokratëve.
Ndërkohë afro 10 minuta më pas, Edmond Spaho shkruan sërish dhe kërkon që të mos harrohen Avenir Peka, Jamarbër Malltezi dhe Flamur Noka. /NEWSBOMB.AL
