Kryetari i Bashkisë Mat Agron Malaj, Princi Leka dhe Fondacioni Mbretëresha Geraldinë në bashkëpunim me kishën “Vëllazëria Ungjillore e Shqipërisë”, ashtu si çdo fundvit e kanë kthyer në traditë që të shpërndajnë dhurata për fëmijët e shkollave në Bashkinë Mat.
Dhuratat u shperndanë në shkollën e Burgajetit, në vendlindjen e Mbretit Zog, dhe pastaj në Kopshtin 3 Burrel. Përfaqësuesi i “Vëllazëria Ungjillore Shqiptare” Ylli Doçi së bashku me Princ Lekën, Kryetarin e Bashkisë Mat Agron Malaj, përgjegjësen e Zyrës Vendore Arsimore Mat Shpresa Tusha, u bënë pjesë për të shpërndarë dhuratat për këto femijë.
Kryetari i Bashkisë Mat Malaj falenderoi Princin Leka dhe Ylli Doçin për pakot që iu dhuruan këtyre fëmijëve dhe premtoi se të tjera dhurata do të shpërndahen në ditët që vijnë për fëmijët matjanë. /tirananews.al/
