Ishte koha kur të gjithë ata që mbaheshin se bëjnë një jetë moderne dhe kishin pasion argëtimin e natës, shkonin në karaoke. Padyshim që edhe sot karaoke është në modë, por 10 vite më parë shpërtheu si një tendencë që i bëri të gjithë për vete, të rinj dhe më pak të rinj.
Një nga më qejflinjtë e jetës së natës ishte edhe ministri aktual i Mjedisit, Blendi Klosi. Edhe në atë kohë ai kishte provuar poste të rëndësishme, pasi në qeverinë e Fatos Nanos kishte qenë ministër Kulture, por të qenurit deputetet apo ministër nuk e pengonte Blendin për të bërë jetën që i pëlqente dhe sidomos të këndonte në karaoke.
Për këtë argëtim kishte një partnere dinjitoze, siç është Nora, bashkëshortja e Blendit. Të dy janë fotografuar shpesh duke bërë jetë nate, sidomos në shoqërinë e miqve të tyre të përbashkët.
Edhe kur çifti i kishte fëmijët fare të vegjël, askush nuk i ndalonte për të bërë jetë nate. Këtu në këto foto, Nora me Blendin janë në “Magic 4”, karaoken më të famshme të kohës, ku Blendi nuk i rezistonte tundimit për të kënduar.
Por gjithsesi nuk i rezistonte as dëshirës për t’i dhuruar gruas së tij puthje pasionante në publik. Nuk e dimë nëse vijojnë akoma të kenë të njëjtin pasion për jetë nate, për rrëmujë, zhumë dhe karaoke, pasi çifti Nora dhe Blendi Klosi janë akoma të rinj për të shijuar çdo moment të jetës.
Mbase mund të kenë ndryshuar shijet e tyre, tani mund të preferojnë ambiente më të qeta. Por ama, këto foto, gjithsesi, mbeten një kujtim i bukur i një kohe të caktuar kur Nora dhe Blendi, mesa duket, kanë dashur ta shijojnë në çdo moment, ditën dhe natën.
