Mami i Viol Xhafaj si të gjitha mamatë e tjera, nuk u kursye për të treguar sekretet e vajzës gjatë bisedës tek Rudina.
“Kur Viol ishte e vogël, u hodh njëherë nga gardhi dhe kur më erdhi me shenja në fytyrë (që i ka akoma) i thashë: Po pse kalove nga gardhi? E pse Olsi të kalonte e unë të mos kaloja” , i kish thënë Viol që e vogël paska qenë si një çun capkën e vishej vetëm me pantallona.
Ndërkohë që një histori tjetër që e sikletosi Violën ishte ajo e tatuazhit. “Kur ishte në vit të parë, erdhi dhe më tha: O mami unë kam bërë një gabim, do të ta them, por nuk do më flasësh. Unë kam bërë një tatuazh. Kish bërë diçka në shpinë. Unë menjëherë i thashë: Ua po ç`do thotë babi?”, dhe në fund nuk i fola. Mendoj që fëmijët nuk duhet t`i ndëshkosh”, tha nëna e saj duke shtuar që me Viol dhe dy fëmijët e tjerë kishte marrëdhënie shoqërore.
