Disa foto të rënda të publikuara në media nga morgu i Tiranës nxitën reagimin e Drejtorit të Institutit të Mjekësisë Ligjore, Bledar Xhemali. Duke i quajtur fotot një inskenim, ai pranoi se në ditët kur situata është e rëndë dhe ka shumë viktima, janë të detyruar që trupat e pajetë të lihen në dysheme.
“Padyshim që morgu nuk bën asnjë përjashtim në pamundësinë për t’i sistemuar denjësisht të gjitha kufomat në mjediset frigoriferike në dispozicion, kur ka më shumë fatalitete. Kur jemi në pamundësi, ato sistemohen në tavolina, më pas në barela dhe kur ndodh që të jenë më shumë,vendosen me respektin më të madh në dysheme bashkë me sendet vetjake të paketuara, pasi kryhen proceset përkatëse në pritje që t’u dorëzohen familjarëve. Por kurrsesi nuk është rrëmuja e paraqitur në fotot keqdashëse të shpërndara në media. Sendet personale që shoqërojnë trupat, janë veshjet e të ndjerëve, të cilat përbëjnë kujtime të çmuara për familjarët”, thotë Xhemali.
Ai shtoi se janë njoftuar instuticionet eprore për publikimin e fotove dhe kërkon që autori i fotove të vihet para drejtësisë.
Në foto dukeshin trupat e pajetë të pacientëve, të mbuluar dhe të lënë në dysheme.
Lexo edhe: FOTO/ Morgu jashtë kapacitetit, trupat lihen në tokë