Në lagjen Pjecë të fshatit Batër e Vogël, njësia administrative Komsi, në Bashkinë e Matit banon në një shtëpi të vogël, Fatime Koka. Ajo vërtetë ka hyrë në shekullin e dytë të jetës së saj, por kalvari i vuajtjeve nuk ka të sosur.

Djali i saj, Kajmak Koka tregon për Tirananews.al se nëna e tij, Fatimja, në qershor të këtij viti bëhet 109 vjçce. Një mal me vuajtje mbi kurrizin e saj. Ajo tani është “dorëzuar” dhe të afërmit kërkojnë ndihmë zyrë më zyrë. Për shkak të moshës dhe problemeve që ka hasur në jetë nuk shikon dhe nuk ka fuqi të lëvizë.

Djali 60-vjeçar e merr “hopa” si ta ketë fëmijën e tij. I kryen të gjitha shërbimet e nevojshme. E ushqen, i ndërron rrobat, e dërgon në banjo, e ajros në oborrin e banesë kur moti është i mirë, etj.

Ka lindur aty afër shtëpisë ku është martuar në vitin 1927. “Për shumë vite ajo nuk lindi fëmijë, tregon Kajmaku. Në vitet e Luftës së Dytë Botërore ajo dhe familja Koka u arratisën në mallet e Balgjajt. Shtëpitë i dogji pushtuesi dhe u strehuam në bjeshtë. Vetëm pas çlirimit të Shqipërisë nëna dhe pjesëtarët e tjerë të familjes u rikthyen në shtëpinë e tyre”.

Fatimja kujdeset për bashkëshortin dhe në vitin 1949 bëhet nënë, në moshën 39-vjeçare. Punon tokën e kujdeset për blektorinë. “Nëna ime, -vijon rrëfimin djali i saj, ka qenë një femër e bukur, më e bukura në fshat. Po ashtu ishte shumë punëtore dhe mikpritëse. Deri në vitet ’70 ajo ishte mirë nga ana shëndetësore. Pas lindjes së dy vëllezërve të mi pësoi një tronditje”.

Kajmak Koka thotë se nënë Fatimja përfiton vetëm 6500 lekë në muaj, pensionin e bashkëshortit që ka vdekur afro 20 vjet më parë. “Po përjetoj shumë halle. Vetë nuk jam mirë me shëndet. Kam kaluar një operacion të vështirë në kokë. Kam vetëm gruan në shtëpi dhe një djalë të vogël. Më duhet të kujdesem për nënën vazhdimisht. Ajo nuk shikon dhe merr shumë ilace. Kam kërkuar ndihmë nga bashkia dhe askush nuk ma qan hallin. As bashkia, as sigurimet shoqërore, as spitali, askush”.

Nënë Fatimja është një nga një mijë shqiptarët mbi 100 vjeç. Për shkak të moshës, sëmundjes dhe mungesës së kujdesit nga strukturat shtetërore po përjeton kohë të vështirë. / tirananews.al

PËRGJIGJU

Please enter your comment!
Please enter your name here