Franca ndahet përfundimisht nga fatura në letër. Nga 1 gushti, faturat tatimore të printuara nuk do të përdoren më, me përjashtim të rasteve kur klienti bën kërkesë të veçantë.
Zbatimi i masës, të marrë në emër të ekologjisë dhe luftës kundër mbetjeve, u shty dy herë, në janar dhe më pas në prill, por tashmë do të hyjë në fuqi nga data 1 e muajit tjetër, njoftoi Ministria e Tregtisë e drejtuar nga Olivia Grégoire.
Fatura në letër do të zëvendësohet nga alternativa e saj elektronike, në të cilën blerësi do të ketë akses përmes skanimit QR (në faqen e kompanisë), përmes mesazheve në aplikacionin e-banking, me sms në telefonin e tij apo me e-mail.