Franca do të synojë të fitojë Botërorin e Katarit, kompeticion ky që fillon pas pak ditësh. Trajneri i “Gjelave”, Didier Deschamps ka publikuar listën e të ftuarve prej 25 futbollistëve.
Ashtu siç pritej, nuk do të jetë gati Mike Maignan. Portieri i Milanit është i dëmtuar dhe do e shijojë Botërorin nga shtëpia.
Rafael Varane do shtrëngojë dhëmbët dhe do jetë pjesë e grupit. Gjithsesi, pavarësisht gjithçka-je, nuk dihet sesa do e aktivizojë tekniku futbollistin.
Reparti i mesfushës është mjaft i pasur me emra si Rabiot, Camavinga dhe Veretout. Sulmi premton shumë pasi ka në përbërje emra të mëdhenj si, Griezmann, Mbappe, Benzema, Dembele, Giroud apo edhe Nkunku.
