Katedralja e famshme e Parisit Notre Dame është përfshirë nga flakët pasditen e kësaj të hëne. Shkaqet nuk janë ende të qarta, megjithatë zyrtarët thotë se zjarri mund të ketë ardhur si pasojë e punës restauruese.
Në pamjet e publikuara në rrjetet sociale dallohet tym masiv mbi ndërtesën gotike 850-vjeçare.
Vitin e shkuar, Kisha Katolike në Francë lëshoi një apel urgjent për fonde për të shpëtuar katedralen, që kishte nisur të rrënohej. Një operacion masiv është ndërmarrë aktualisht për të shuar flakët, që nisën gjatë orëve të pasdites.