Një tren i shpejtësisë së lartë që mbante 500 pasagjerë u evakuua nga policia, pas një kërcënimi për bombë në Frankfurt. Autoritetet larguan pasagjerët e trenit Intercity-Express që lëviz në linjën Cyrih – Kiel. Dy binarët e stacionit të Frankfurtit Jug janë bllokuar, njoftoi policia përmes një postimi në “Twitter”.
Autoritetet thanë se alarmi për bombë erdhi nga një telefonatë paralajmëruese, dhe se çështja është akoma nën hetim. Pak më vonë, policia zbuloi të tjera detaje, duke thënë se nuk u zbuluan eksplozivë.