Po bën xhiron e rrjetit momenti kur Ministri i Brendshëm Horst Seehofer refuzoi t’i japë dorën Angela Merkelit mes frikës nga shpërthimi i koronavirusit.
Në video, Merkel shfaqet duke i zgjatur dorën me mirësjellje ministrit gjatë një samiti në Berlin, por ai u step.
Merkel nuk u zemërua, por tërhoqi dorën dhe filloi duke qeshur.
“Kjo është gjëja më e mirë për tu bërë”, tha kancelarja gjermane ndërsa zuri vend mes të ftuarve të tjerë në mbledhje, të cilët gjithashtu filluan të qeshin.
Seehofer tha për mediat gjermane se ka vendosur të mos i jap dorën më njerëzve dhe shpreson të gjendet një vaksinë sa më shpejt.