Frikë nga ndonjë skenare dhune në Kuvend? PS-ja ”fal” përjashtimin e 23 deputetëve të opozitës

Mesa duket skenaret se sot në orën 17:00 mund të kishte një përplasje në ambientet e jashtme të Parlamentit ka bërë që maxhoranca të anulojë vendimin për përjashtimin e 23 deputetëve të Rithemelimit dhe të grupit të Gazment Bardhit, dhe të lejojë pjesëmarrjen e tyre në seancë plenare. “Të nderuar kolegë, zyrtarisht jemi njoftuar nga Kuvendi që nuk do ketë asnjë pengesë për deputetët e përjashtuar për pjesëmarrje në seancë. Vendimi i përjashtimit është anulluar”,-mësohet të ketë njoftuar Bardhi kolegët.