Ndërsa përkrahësit e Gruevskit të maskuar kanë pushtuar sallat e Kuvendit, deputetët po mundohet të ruhen sa më shumë. Nuk dihet shumë për deputetët shqiptarë, porse popullata shqiptare në zonat e veta është krejt e qetë dhe në normalitet. Ndërkohë policia maqedone ka filluar të aktivizohet. Por qetësinë e ka shtuar deklarata e kryetarit të ri të Kuvendit Talat Xhaferri, që ka thënë se po rrimë këtu (lexo në Kuvend), por mos u bëni merak!
Acarimi ka filluar kur deputeti Zeqirja Ibrahimi këndoi himnin shqiptar në foltore. Deputetët shqiptarë të LSDM-së, Gjylymsere Kasapi dhe Muhamed Zeqiri janë ngritur në këmbë bashkë me deputetët e Lëvizjes Besa, në momentin kur deputeti Zeqirja Ibrahimi këndoi himnin shqiptar nga foltorja e Parlamentit të Maqedonisë. Çuditërisht edhe disa deputetë të BDI-së kanë qëndruar ulur. Deputeti i Lëvizje Besa, Zeqirja Ibrahimi e këndoi himnin shqiptar si përgjigje ndaj himnit maqedonas. Përgjigja e tij ishte se “Nëse e këndoni ju himnin tuaj maqedonas edhe unë do ta këndoj himnin tim shqiptar”, tha deputeti i Lëvizjes Besa.
Gjatë gjithë kohës militantët maqedonë janë munduar të gjejnë vende ku të futeshin në parlament.
Ndërkohë ka bërë çudi që Gruevski nuk ka qenë fare i dukshëm, kurse në seancë ka munguar edhe kryetari i BDI-së, Ali Ahmeti./Tirananews/