Një burrë shqiptar humbi jetën dje në Greqi, pasi duke punuar në lyerjen e një banese, ra nga lartësia duke dëmtuar fatalisht kokën.
Viktima është një 61 vjeçar nga Shqipëria i cili vitet e fundit jetonte në ishullin Rodi bashkë me familjen e tij, në zonën Arhagelo.
Dje ai kishte nisur punën si zakonisht por në një moment duket se ka humbur ekuilibrin duke rënë me kokë.
Mjekët vetëm sa konfirmuan vdekjen e të ndjerit. Policia tha se nisi një hetim mbi ngjarjen.