Deputetja e PD-së Ina Zhupa, solli në seancën plenare në Kuvend sulmin ndaj kreut të Rithemelimit në Vaun e Dejës, Bernard Ndreca, ku tha se është një akt terrorist. Po ashtu Zhupa ka kërkuar që mazhoranca të distanocohet publikisht nga kjo ngjarje.
“Në këtë parlament kemi 8 javë që nuk diskutojmë për çështje të zgjedhësve. Këtë javë kishit justifikim pushimin zyrtar. Shqetësimi juaj i parë nuk është çështja e zgjedhësve, por kohën e opozitës nuk mund ta merrni.
Ne kemi të drejtën tonë t’i themi qeverisë se kush është realiteti. Doja të ndalesha edhe tek akti terrorist ndaj kryetarit të PD për Vaun e Dejës, kjo ishte një nisje e fushatës me tritol. Ministri i Brendshëm duhet të na tregojë se deri në çfarë niveli janë hetimet. Demokratët nuk tremben, hiqni dorë nga këto metoda dhe distancohuni sot publikisht nga kjo ngjarje”, tha Zhupa.