Fushata për rizgjedhjen e Presidentit Donald Trump ka bërë edhe shtyrjen e reklamave në Facebook këtë fundjavë që akuzojnë aplikacionin kinez “TikTok”, për spiunim ndaj amerikanëve.
“TikTok po ju spiunon”, thuhet në reklamat, ku më pas tregohet edhe një sondazh për fushatën e Trump ku qytetarëve u bëhet pyetja nëse TikTok duhet të ndalohet në Shtetet e Bashkuara apo jo.
TikTok, pronë e një kompanie kineze dhe e përhapur shumë tek të rinjtë amerikanë, është bërë një pikë kyç në tensionet midis Uashingtonit dhe Pekinit.
Reklamat e fushatës Trump duket se i referohen hulumtimeve nga një kompani e quajtur “Mysk” që gjeti në fillim të këtij viti “TikTok” dhe aplikacione të tjera, përfshirë aplikacionet e disa organizatave amerikane të lajmeve, duke hyrë në përmbajtjen e të dhënave private të përdoruesve të iPhone.
Ky informacion mund të jetë veçanërisht i ndjeshëm pasi disa përdorues kopjojnë dhe përdorin fjalëkalime për shërbime të ndryshme.
“Ne e përdorim atë retorikë zgjedhore, kjo është arsyeja pse ne nuk pranojmë reklama politike në platformën tonë. Ajo që është më interesante është se Facebook po merr para për një reklamë politike që sulmon një konkurrent ashtu si po përgatitet të kopjojë TikTok.”- ka deklaruar zëdhënësi i TikTok për CNN.