Katër vite më parë, Vesa Luma dhe Big Basta i dhanë fund beqarisë.
Në një ceremoni që do të mbahet mend gjatë ata i thanë “po” njëri-tjetrit dhe sot janë prindër të një djali.
Vëmendjen më të madhe nga dasma e rrëmbeu fustani i Vesës, i cili u komentua gjatë.
Ai ishte larg një fustani të bardhë tradicional dhe Vesa duket se e ka zgjedhur për një arsye të veçantë.
Pak më parë Vesa ka shkëputur një video të shkurtër nga klipi i këngës “November Rain” të Guns N’ Roses, në të cilin shfaqet një modele e veshur me fustan nusërie.
Këngëtarja ka treguar se prej asaj është frymëzuar për të rezalizuar të njëjtin fustan për martesë.
“Nga momenti i parë që pashë këtë video legjendare, u betova se ky do të ishte fustani im i martesës… ose i ngjashëm”, ka shkruar Vesa përkrah videos.
