Nëse nuk keni veshur një fustan saten këtë verë, atëherë duhet ta bëni patjetër! Sateni është kryefjala e veshjeve të kësaj vere. Ne vendosëm t’ju sillnim vetëm disa modele fustanesh nga personazhet tanë të showbizit, por këtë verë sateni është përdorur edhe në kostume e kombinime veshjesh pafund. Duke qenë një copë e lehtë, që rrjedh dhe aspak e ngjitur në trup, sateni ka qenë zgjedhja perfekte për këtë verë e jo më kot kemi parë shumë personazhe të ekranit të shfaqen të veshura me fustane sateni. Jo vetëm që ky lloj fustani të bën të dukesh seksi, por mund të vishet ku të doni, qoftë për një shëtitje, një dalje me mikeshat, një drekë apo darkë. Më poshtë ju tregojmë fustanet saten të veshur nga VIP-at tanë:
