Roma ka lënë pas momentin e vështirë dhe ka shfryrë ndaj Kievos së vendit të fundit duke e mundur me rezultatin e pastër 0-3. Të besuarit e Di Françeskos, vinin në këtë takim nga dy ndeshje të dobëta pasi pak ditë më parë mundeshin 7-1 nga Fiorentina dhe më pas barazonin 1-1 ndaj Milanit.
Në minutën e 9, El Sharaui ka kaluar në avantazh skuadrën verdhekuqe ndërkohë që ka arritur të dyfishojë Xheko në minutën e 18. Në pjesën e dytë, ka qenë i urryeri i tifozëve, Kolarov ai i cili ka arritur të shëënojë edhe golin e tretë duke i dhënë një 3 pikësh të artë Romës.
Me këtë fitore, Roma ngjitet në vendin e katërt përkohësisht ndërkohë që më parë renditej në vendin e shtatë. Klasifikimi i Serisë A italiane në fakt është disi i çuditshëm pasi vendi i tretë është vetëm 5 pikë larg vendit të shtatë në kampionat.